قصر ريم 2

(الفندق).. البارت الاول ...

  تعملولى اوضه فى الفندق تكون افضل اوضه كل ما حد يجى ويعدى اانا متولى تقدروا توصفونى بالوصف اللى يريحكم 

خادم او سواق او ممرض او طباخ او مساعد

 او كل ده على بعض ...

كنت الصديق المخلص ل مراد بيه رجل الاعمال الكبير وكنت بخدمه انا وعائلتى.

مراد بيه راجل طيب ولكن مش بيخلف الا بنات بس وديه كانت عقدته. 

وان كمان اللى ربيت معاه البنات بعد ما امهم توفت

كان حلمه يبنى فندق كبير 

.وكل بناته وازواجهم يشتغلوا فيه ....

كلهم سابوه ومحدش منهم كان حتى بيفكر يزوره

 بعد ما جوزهم من الشباب اللى حبوهم 

وعمل لكل واحد منهم المشروع اللى هو عايزه .

الاول شركه سياحه وده هو اجبن واحد فيهم 

والتانى شركه توريدات وكان فلاتى وبتاع ستات.

والتالت شركه عربيات وده كسلان وعلى طول عايز ينام والرابع مطعم كبير وده بقى الانتهازى صياد الفرص .

 كل ده عمله علشان بناته تفضل عايشه فى مكانه كويسه..

 مع الازواج اللى اختاروهم

مراد بيه مات امبارح وكلمت كل بناته من موبايله..

  مكنوش بيردوا لما بيشوفوا رقم ابوهم 

محدش منهم جه الا النهارده بعد ما انا قمت بكل حاجه لصديق عمرى وسيدى مراد بيه.....

عزاء كبير لرجل الأعمال يحضره بناته الاربعه وازواجهم

وبعد العزاء ....

جلس المحامى مع البنات علشان يقراء الوصيه 

بناتى الاعزاء 

لو انتو سامعين الكلام ده دلوقتى يبقى انا فى زمه الله عز وجل

لازم تعرفوا انى حبيتكوا جدا جدا وعملت كل حاجه لازواجكم علشان تعيشوا مرتاحين فى حياتكم ...

وانا عايش وحتى بعد ما اموت ..

مع انى كنت زعلان منكم لان محدش فيكو كان بيفكر 

حتى يزورنى وانا عيان وبموت

 بس للعلم البهوات اجوازكم هما اللى جولى من وراكوا

البنات بصت لبعضها وبصت لازواجهم.

 المحامى كمل قرايه ..

متستغربوش قوى كدا..

 كانوا عايزين منى فلوس مش مكفيهم كل اللى اخدوه

بس انا علشان عارفهم مرضيتش اديهم حاجه كلهم كان عينهم على الوديعه اللى انا عاملها بخمسين مليون

انتى يا هدى جوزك جالى وطلب منى مبلغ كبير علشان يكبر شركه السياحه وانا رفضت

وانتى يا علا جوزك جالى وطلب منى تقريبا نفس المبلغ علشان يكبر شركه التوريدات وانا رفضت

وانتى يا هاله جوزك جالى وطلب منى فلوس علشان يكبر شركه العربيات وانا رفضت

 وانتى يا امل جوزك جالى وطلب منى نفس المبلغ علشان يعمل سلسله مطاعم وانا رفضت

وعلشان كده انا اهتبرع بكل املاكى وفلوسى الى الجمعيات الخيريه 

زوج هدى – اكيد الراجل ده اتجنن

هاله – عيب كده متنساش انك بتتكلم على ابويا اللى عملك مشروعك

زوج علا – عنده حق والله هو فيه كده 

امل - وعمل مشاريع لكل اجوازكوا يا اختى 

المحامى – يا جماعه انا لسه مخلصتش الوصيه 

وكمل المحامى القرايه.

 وانتو كفايه اللى اخدتوه منى أنتم وازواجكم علشان مشاريعكم

متزعلوش انا لسه مكملتش كلامى التبرع ده متعلق بشروط

يعنى ممكن ميتمش التبرع . لو سمعتوا كلامى ونفذتوا الشروط تبقوا تاخدوا انتوا الورث

هاله – ايه هى الشروط قول بسرعه

المحامى منا بكمل كلامى يا ريت محدش يقاطعنى 

فاكرين مشروع الفندق اللى كان نفسى اعمله من زمان ومحدش فيكم رضى يقف معايا 

ويكمل مشوارى وكنتوا انانيين واصريتم على مشاريع ازواجكم .

هو كان باقيله بس شويه شغل بسيط وبعدين يتفرش ويشتغل لكن مفكرتوش غير فى مصلحتكم.

امنيه حياتى ووصيتى بعد مماتى ان كل بناتى يشتغلوا فيه هما وازواجهم واولادهم 

هو ده شرطى الاول بيعوا كل اللى عندكم وكملوا بناء الفندق وفرشه وشغلوه لمده لسنه واحده

وانتوا عارفين ان الميراث اكتر بكتير من كل املاكم يعنى مش هتخسروا حاجه.

 تنفذوا المشروع وتكملوا الفندق وتشغلوه هتاخدوا الميراث ولو مش موافقين وعايزين كل واحد يفضل فى شغله خلاص يبقى الميراث يتوزع على الجمعيات الخيريه وكملوا انتم حياتكم زى ما كانت ماشيه

والشرط التانى 

عمكوا متولى يشتغل فى الفندق هو وبنه ومراته واخوه زى ما كانو بيخدمونى هنا يشتغلو هناك

والشرط التالت والاخير امام الاوضه يقراء الفاتحه على روحى بصوت عالى 

زوج هدى - لا دا جنان نسيب شغلنا اللى كبرناه ونبيع شركتنا علشان نشتغل فى فندق

زوج امل - اصلا علشان الفندق ده يكمل هياخد كل فلوسنا 

زوج علا - وايه يعنى محنا هناخد اضعافهم فى خلال السنه اللى بيقول عليها 

زوج هاله - وكمان هيبقى الفندق بتاعنا وشغال يعنى اللى هندفعه هيرجعلنا اضعاف اضعافهم وعليهم كمان الورث الخمسين مليون

عم متولى متابع نظراتهم وهما كمان كل واحد من الازواج الاربعه نظرله نظره غريبه زى ما يكون بينهم (سر)

المحامى يعنى موافقين على الشروط 

كلهم فى صوت واحد موافقين 

المحامى - المهلة شهر واحد ابتداء من اليوم تبيعوا كل املاكم وتخلصوا الفندق يعنى الافتتاح كمان 30 يوم

انتظروا البارت الثاني 

الكاتب: Eslam El Garhy

دمتم في سلام